Skip to main content

WILLEMSTAD

Djabièrnè 20 di òktober 2023 tabata un momentu spesial den presensia di Minister di Enseñansa, Siensia, Kultura i Deporte, Sr. Sithree van Heydoorn, Representante di Minister di Desaroyo Ekonómiko den nòmber di Sra. Mariella Olaria, Presidente di ADECK Sr Gabriel Magdalena i demas representantenan di ADECK, Stakeholdersnan tripartite di Korpodeko, bestür i empleadonan di Korpodeko i demas invitadonan kaminda Korpodeko a lansa e buki digital yamá ‘Guia pa Empresa Chikí’.

Gia pa Empresa Chiki ta un modernisashon di un buki ku 35 aña pasa na 1988 Fundashon Empresa Chiki Kòrsou FECK ku tabata kai bou di Korpodeko a lansa, tempu a pasa pero e importansia di Empresa chikí den nos ekonomia no ta ménos i ya tempu a pasa pa modernisá e informashon i konsepto i bute bek riba merkado pero awor den forma digital.

Dos aña pasa Korpodeko tabatin e video edukativo di kon bo ekonomia ta funshoná i komo banko di desaroyo, Korpodeko ta sigui rekonosé e importansia pa instruí i guia nos pueblo i den e kaso aki empresarionan aktual i futuro ku ta bai kuminsá òf ta soña di por kuminsá i tambe esnan ku tin un empresa chikí kaba. Nos di Korpodeko dus ta sumamente entusiasmá di por lansa e buki digital.

Durante e seremonia aki direktor di Korpodeko Sr. Chesron Isidora a hiba palabra i a mustrá su entusiasmo pa e lansamentu di e buki digital ‘Guia pa empresa chikí’ i di ki forma esaki por duna empresarionan un direkshon den nan trayekto ku nan negoshi òf plan di negoshi. Den su palabranan: “Mi ta konvensí di e poder di guia den formashon di un empresario ta i por ta hasta mas importante i fuerte ku a kapital ku nan ta buska pa kuminsá nan negoshi. Ku lansamentu di e ‘Guia pa Empresa Chikí’ mi ta spera ku e guia aki no solamente sirbi ora un empresario kuminsá su negoshi, pero ku e lo lusa su kaminda asegurando kresementu duradero i éksito.”
Palabra di agradesimentu a wòrdu menshoná tambe na tur e organisashonnan ku ta nombra den e buki aki i ku ta forma parti integral di netwerk informativo ku un empresa mester.

 

 

 

 

Representante di Minister di Ekonomia Senora Mariella Olaria a risibí e promé ehemplar for di man di Vice presidente di Korpodeko Señor Randolph Gijsbertha i a asentuá un bia mas kon importante e sektor di empresa chika ta un bon funshonamentu di un ekonomia i ku e inisiativa aki Korpodeko ta enfatisá e importansia di ta bon prepará pa bo por start i hiba bo negoshi. Kapital sin konosementu ta garantia pa no ta eksitoso i nos no mester mas di esei, e buki lo ta pòrnada i ta spera ku tur hende pasa dor di dje e ta fásil pa lesa i sumamente informativo.

Tambe a hiba palabra Minister di Enseñansa, Siensia, Kultura i Deporte, Sr. Sithree van Heydoorn despues di a risibí un ehemplar for di man di Direktor Di Korpodeko. El a para ketu na e importansia di e buki aki i su posibel impakto den yuda no solamente empresarionan i tambe edukashon empresarial por lo general i ku ta un buki ku skolnan por hasi bon uso di dje.

Tambe a hiba palabra Señor Gabriel Magdalena presidente di Adeck ku a risibí su ehemplar for di man di miembro di bestür saliente di Korpodeko Sr. Humphrey Mongen ku despues di 38 anja a baha for di den bestuur.
Sr. Magdalena a asentuá e importansia di sektor i kon tipo di inisiativanan manera esun di Korpodeko ta sigui duna enhance na e propósito di e sektor i su aktornan.

Despues a sigui entrega di ehemplar na instansianan manera MEO/Mi negoshi, Kámara di Komersio, Fekoskan, CGTC, Sentral Sindikal, VBC i BAB.

Klik aki pa download Guia pa Empresa Chikí

Leave a Reply

This site uses Akismet to reduce spam. Learn how your comment data is processed.